個網站經過多日來的爬文
跌跌撞撞多次失敗後
一路以來焦點放喺個 WordPress
原來個問題係出在 apache 身上
今日終於解決到最後一個難關了
上載大小限制終於都知道點樣放寬
雖然好似都仲有少少零碎問題
但大至上都算係攪掂咗這個網站遷移 project
未來日子希望順順利利用到十年八載啦
Website Project Completed
眼看為真實
今日睇新聞見到陳志雲單案件終審結束
很久以前第一次看這單案時
對佢印象確是不好的
只是單看傳媒的報導
便以為他人品唔好
但其實真係大錯特錯
人云亦云自古以來都是不可信的
點解會對佢改觀呢
是由於每朝早都會收聽商台晴朗
自從李慧玲被解僱由佢接手後
初時都唔係咁鍾意佢
但聽耐咗
發覺佢的評論都算係中立持平
久而久之習慣了他
雖然仲未覺得佢做得好好
但起碼現在唔討厭佢
講了一堆廢話
其實只係想講
不了解一件事情
首先唔好落閘抗拒
反而要深入了解
認識深了先會知道本身件事嘅真正原因
千其唔好淨係睇傳媒的斬件報導
信錯人到最後損失的都只會係自己
夜晚睇這場辯論
有得睇冇得㨂
唯有食花生當睇 show 啦
週日BBQ
琴日擺了一個大老烏
以為約了去試新爐
但原來攪錯時間應該係下星期日先啱
不過咁啱又有BBQ活動可以join到喎
所以突然變成去金山燒野食喇
那裡很多馬騮好麻煩
但原來再向上不遠有另一個燒烤場
果度人少啲同馬騮都少啲
去到起好爐便開餐
今次食物好豐富
最特別係塊斧頭牛扒
真係條羊架都被比下去
燒燒吃吃玩玩便四粒鐘
飲飽食醉又一天
廿一連勝的啓示
做人要克苦奮鬥
唔好埋怨社會有幾不公平
唔好抱怨沒有機會
唔好淨係識話邊個邊個做錯乜乜乜
機會是自己努力爭取的
只要做好自己本分多啲包容
努力地面對困難同挫折
總有一天會步出谷底的