今天週末瞓到十一點幾先起身
然後食啲嘢hea一陣
便去觀塘工廠行一陣
飲杯咖啡再去揼個骨
鬆吓條腰都舒服哂
之後再返去工廈食晚餐
今次試另一間餐廳好有驚喜
食物質素幾好環境都唔錯
之後都可以 encore
食飽再去APM行一陣就歸家了
週末鬆一鬆
2017第一場黃雨
返兩日工又可以放兩日喇
雖然唔太忙
但放假嘅心情仍然未散
希望灘抖多兩日會好啲啦
未回魂
玩了幾日玩創了個心
今日返工都仲係諗住去玩
可能要過埋復活節假期先有心機做嘢咯
台北復活行 – DAY5
要走的終需走
開心過後又要回到現實了
晨咁早六點幾便起身
執齊包袱開始返歸
首先搭捷運去台北車站
轉乘新開冇耐的桃園機場捷運到機場
由落樓到機場T1只需九十分鐘左右
全程都唔太多上落樓梯都算方便
由於回程也是被upgrade了
去到機場 check in 寄行李
入禁區後便去個lounge食早餐
坐到夠鐘便行去閘口登機
回程隻機都幾多人
但座位比去程時更舒適
每一個座位都是獨立間隔
整張座椅又可以完全躺下變睡床真係好舒服
個多小時機程食咗個lunch
恰咗一陣便返到香港
落機拎返行李便安排回家路線
原本諗住打的
但原來 call Uber 同八折的差不多價錢
所以便試試坐 Uber 返屋企
第一次用Uber
感覺很好很方便
用個 app 輸入目的地
很快便安排到車給我
個 app 仲可以睇住架車去到邊同幾耐先到
上到車又無需什麼額外收費明碼實價
寫住果個價就係果個價
唔會又話什麼假日特別加錢又另加停車場及隧道費
到達後又唔需要比現金
完全係網上信用卡或 PayPal 過數
真係拍吓個欏柚就走得
返到屋企都只係一點半
執好啲嘢洗吓衫咁
又要開始收拾心情
準備明天上班搏殺了