Ghöz | SnG
突然感覺有點寂寞同孤獨
四十歲人知心朋友不多
可能細個時屋企經常搬屋
差不多每五年又搬一次
每搬一次就要重新適應新環境
認識過另一班同學仔
加上被形容為北韓一樣高壓統治嘅屋企
細個時是不可出街玩耍的
所以識的朋友不多
以前通訊又唔係依家咁好
好難可以搵返以前啲朋友仔
久而久之習慣了自己一個
其實好羨慕別人可以幾十年老友
都仲可以keep住每個星期聯絡吓
幾十年嘅朋友係有
但好少聯絡
各有各忙想約吓但又好難夾時間
拎起個電話諗到嘅朋友
真係十隻手指數得哂⋯⋯
今日收到消息同事遞信辭職了
自從公司開始地震後
他便好積極地搵工
所以一啲都唔意外
反而替佢高興
留低喺呢度都冇乜前途
有能力出去闖吓可能更好
希望佢前路一路順風啦
有個疑問
點解今年清明節係四月四日嘅？
乜唔係四月五日咩？
同埋點解清明節唔係計舊歷呢？
今日假期冇節目
琴晚玩到夜一夜
今天當然瞓到黃朝百晏啦
起身後洗衫晾衫
再整個 All Day Breakfast
食飽就玩吓玩具
舒適悠閒就過了大半天
同事一連放兩星期大假
嚟緊兩星期要獨力應付
希望唔好咁多濕滯嘢啦
今晚收工後忍受不住誘惑
收了一對麥斯及米娜的 VF-1J
離目標只餘下一条輝的重裝甲 VF-1J
同埋卒仔機 VF-1A
咁就完成呢條 line 喇
夜晚去了朋友餐廳晚餐
之後再去唱個K
好耐冇輕鬆減壓了
玩到點幾唱到聲沙力竭
真係好爽