Ghöz | SnG
自從近兩次轉字頭之後
開始唔係咁想過生日
每年過生日都好似數緊自己又老一歲咁
雖然如此
生日始終年年都有
只要簡簡單單開心快樂便已足夠了
近幾日都比較忙
但多嘢做又會有多啲存在感
收工後去買海鮮打邊爐
一邊煲射鵰一邊滾滾吓
食飽後再拆禮物
今年自己揀生日禮物
人生第一部黑膠唱盤
雖然唔係什麼名牌貴價貨
但可以擁有已經心滿意足
聽黑膠始終是情意結
細個冇錢玩
只能夠買卡式帶
現在能夠擁有一部真係非常開心
第一次放唱片
第一次開機
但唱盤冇轉動⋯⋯
原來組裝時冇拉好條皮帶⋯⋯
之後裝好再開機
見到唱盤轉動真係好興奮
跟著第一次放唱針聽歌
但未set好條臂
再慢慢調整平衡
然後再開始
終於有聲出來喇
黑膠果種味道⋯⋯
太誘惑了！
琴日已經知有個客中蕉
不過琴日仲未輪到我哋忙
所以琴日都仲準時收工
不過今日開始嚟料喇
個客有大約四百台機
要全部倒返哂出嚟
今次真係有排攪
諗起都驚⋯⋯
今年踏入十二週年
去了銅鑼灣晚餐慶祝
簡簡單單已經很滿足
吃完晚飯便去了揀生日禮物
今年大個仔有得自己揀禮物?
但中途很攪笑
無啦啦有人話’你咪係細龜個朋友’
原來他是朋友的朋友
看了我們 Facebook 的旅行照片認出我們
但我和他是不認識的
睇嚟我們已經黃咗喇！
今日女皇約咗人唔返屋企食飯
所以今晚唔洗煮飯休息一天
收工去了旺角搜購玩具
今次目標明確定好價錢指標
發現目標抵過指標便入手
行完隔好價好快便完成收購
不過近排入手嘅玩具都要忍而不拆
因為要等新地方入伙後一次過搬過去
到時有個私人空間可以展現珍藏喇