今天上網爬吓文
睇吓有邊隻唱盤比較啱心水
最好係可以即買即玩
又可以有少少空間可以upgrade
最好有埋phono放大器唔洗另外加
睇埋網上好多評論
得出結論係有兩部選擇
一部係audio-technica嘅AT-LP120
另一部係TEAC嘅TN-300
兩部都係功能齊全即買即用
價錢都係差不多
唯一係揀個款
要諗諗邊部襯啲屋企
黑膠唱盤選擇
外甥生日會
琴晚飲醉酒
今天起身後都頭重重
但約好個妹今天下午去觀塘影相
所以頭痛都要起身刷牙洗臉
然後落街飲個茶
便搭地鐵去觀塘
上到影樓已經齊人
一氣呵成影粒半鐘
影完便散水去飲杯咖啡
再行一陣便又去阿妹屋企開生日會
慶祝個外甥兩歲生日
飲飲食食切蛋糕
睇見小朋友快高長大真高興
希望以後都開開心心快樂成長啦
約到冇咁齊人
今天瞓醒諗住去西貢食個早餐
點知一出門口就落大雨
於是便改變地點去圓方
但落大雨到處都大塞車
塞咗個半鐘先到達目的地
泊好車坐低都兩點幾
早餐都變咗下午茶
食飽行一陣商場
途中無啦啦約咗個 happy hour
真係特登約到冇咁齊人
約好酒聚又未夠鐘
於是便去深水埗睇音響
心思思想買部黑膠唱盤玩吓
睇咗幾間問咗啲資料
最終結論係真係屎忽痕
唔洗買咁貴
都係揀部平平地玩吓算喇
睇完黑膠盤後
揸架車返屋企泊好
然後返屋企放低幾両
之後便出發去尖東
飲飲食食吹吓水
一班老友聚吓
渡過一個高興的晚上
星期五鬆一鬆
今天收工後去了銅鑼灣行街
做了五天
係時候又抖一抖喇