Month: July 2017

加完硬墊後
下一步想換線同加個好啲嘅phono比隻唱盤
但好似一寬三大
其實屋企套嘢都唔係高級嘢
屎忽痕都要忍一忍
停一停諗一諗先

今晚收工返到屋企
摷返兩塊麻石地板出嚟
好彩之前整屋剩餘的幾塊厚料完整沒有棄掉
現在所餘只有五塊
用了兩塊墊喇叭
都算冇白費空間儲存咁多年
呢家兩邊喇叭都墊了石板
聽落聲音實淨咗冇咁散
距離目標高音甜中音準低音勁
又踏前咗一小步了

初初買部合併膽機返嚟都冇乜要求
求其駁好有歌聽就收貨
但自從有部黑膠唱盤後就屎忽痕
開始稍稍有點要求
想有少少膽味
想用有限資源提升現有設備到極限
盡量達到高音甜中音準低音勁嘅水平
第一步係攪攪對喇叭
網上爬文後試試加塊麻石墊底
又的確係有改善喎！