Month: August 2017

今年原來已經有兩次八號波
加埋今日的十號波
足足打咗三次風
今天的十號風球真係好利害
喺屋企都感覺到啲風聲好恐怖
啲燈都閃了幾次以為會停電添
睇新聞見杏花邨海邊啲浪打到上二三樓咁高
個停車場水浸過頂
好多地方都災情慘重
咁嘅情景近年真係好少見

雖然今天打大風
但一如往常都係要開工
只係唔洗返 office
不過唔知點解工作量超級繁忙
想偷雞睇吓甲子園決賽都冇時間
就連食個 lunch 都趕頭趕命
唔通天鴿嘅威力真係咁可怕？

最後兩日甲子園
今日四強對疊
四支球隊都屬於強攻型
得分梅花間竹咬住咬住十分精彩
兩場比賽都係打到最後一局後半都未知誰勝誰負
仲要係全疊打放題
真係睇到好緊張呀！

天鴿今日逐漸逼近本港
睇嚟好似好勁咁
明天應該都可以安坐家中做飛了

今天收到淘寶貨
返到屋企即時換吓啲線試一試
但好似都係不外如是⋯⋯
反而釘腳墊就有點調整空間
鋁合金同黑檀木有明顯分別
但始終唔明是什麼原理
點解加一塊墊會對聲音有影響呢？