今天師傅上嚟拆棚
十點左右開工
十一點半左右就攪掂哂
拆棚快好多
到下午煤氣公司上嚟 check 過冇問題
困擾接近兩星期
今日終於可以放下心頭大石了
剩下的工作就是收拾殘局
清潔消毒執拾搬返好啲傢私
又攪大半天
終算似返個屋企
今年真係好黑仔
接二連三發生不幸事件
究竟幾時先脫離這黑仔運氣呀？
終於．告一段落
好似好耐冇返office
原本計劃係今日可以拆棚完結這次突發工程
可惜拆棚師傅就唔到個期要星期五先可以解決
所以個假又要就一就變咗今日返工聽日放假喇
隊友明天便 last day
所以今日係最後見面了
祝佢一切順利啦
逐漸恢復正常
今日安排了重新接駁煤氣喉
師傅十一點左右到達開工
沙塵滾滾幾粒鐘
整到兩點幾便攪掂
終於有番熱水同埋煮食爐用喇
之後等星期五拆棚便大功告成
等了又等
今日特登要留喺屋企做嘢為咗等個師傅嚟鑽幾個窿
點知等咗成日人影都冇個
卒之到我收工都未嚟就打比佢問咩事啦
原來佢話今日忙得滯冇時間過嚟要聽日先嚟到
聽完真係火都嚟
一早叫佢星期三一次過一齊做又話唔好
依家又話聽日先做
一早講我就唔洗喺度等佢成日啦
點知講好聽朝嚟整轉個頭又打比我話要依家上嚟做
屌！依家玩咩⋯⋯
差不多六點嚟到
拿拿淋比佢鑽好幾個窿之後
我又要清潔做餐懵嘅
掃乾淨啲灰塵跟手拖埋個地
執乾淨個廁所再沖個涼
然後便出街約咗個死佬唱K
呢幾日屈埋屈埋真係要發洩吓
玩到成點先返屋企
明天又再繼續個大檸樂工程
希望真係可以如期完成啦