Ghöz | SnG
今天正式開始大檸樂工程
一早起身便搬好張梳化
執拾好窗邊雜物
搭棚師傅十點到場開工
沙塵滾滾睇見都煩
見佢用兩口拉爆上一對狗臂
跟住就喺上面排幾支竹
扎好就攪掂個地台
然後上面又鑽口拉爆
用條鐵線拉實支竹
再扎埋個圍欄
看似好簡單但見佢汗水係咁流
都知係辛苦錢搵命搏
所以見佢整花個地台都冇出聲
免得佢心情唔好整花多幾處咁就仲麻煩
十點開工整到四點就攪掂哂
中間只係放飯一小時
用五粒鐘便搭好個棚
而損毀輕微都算好彩了
嚟緊聽日鑽外牆窿
星期三或四攪埋條煤氣喉
星期五拆棚便完成
希望順順利利啦
今日要盡情享受一個週日
起身後去了西貢食個brunch
再去飲杯珈琲
仲買埋隻好抵嘅安全地帶演唱會
跟住返屋企聽住隻新碟執拾一吓
其實係好舊嘅碟
1984發行當時賣4000日圓
今日用二百幾蚊買同當時嘅價錢相差無幾
真係超值
晚上再去新浦岡果間越南小店吃晚餐
原先仲諗住買對水鞋但可惜已經冇得賣了
可能係天意
吃飽行夠便返屋企
準備明天展開大檸樂工程
今天在家中執拾雜物
收好不動產去床下底
騰出空間準備迎接維修工程
晚上再去新都城補給物資及晚飯
過埋這兩晚
下星期便有排忙了……
今天收工後安排好修理煤氣喉事宜
然後便去飲返杯
輕輕鬆鬆渡過一個 happy Friday
準備迎接下星期的特備節目