今日掉咗兩個 job application 出去
即刻就有 Agent 打嚟喇
其實問心果句如果可以唔洗轉變就最好啦
不過現實情況係前景一遍灰懞
可能乜事都冇
但又可能好大轉變
所以兩手準備是必需的
心情動盪星期一
星期天的日常
今日一起身就揸車去奧海城
冇乜特別原因
只是屎忽痕想去吓咁囉
去咗無良食嘢同行一陣
便返屋企後又再出去游水
快快脆脆游咗十個塘就收工喇
夜晚試吓間新開將嘅粉麵檔
價錢同食物味道都充滿誠意
屋企附近又多個選擇喇
新舊保安系統的分別
今天去了 apm 果間 Apple Store
將女皇的iPad mini補錢換成iPad mini 4
今次比上次順利好多
因為經過上次先知個 Apple ID 被鎖
今次準備充足唔洗半個鐘就完成走得
不過原來舊果部同新果部嘅size有出入
所以又要喺淘寶買返個保護殼同螢幕保護貼
順便一提 Apple ID/iCloud 個賬號保安係有兩種
原來我用緊係舊款而女皇所用嘅係新款
而且女皇部舊款 MacBook 個 OS X 10.9
係唔支援新款嘅賬號保安系統
所以之前想 update app 入密碼都冇反應
入咗幾次便 lock 咗 account
反而我用緊舊嘅賬號保安系統就完全冇呢個問題
真係比佢吹漲！
炒燶 iPhone
今日見有新款iPhone 8 Plus 開售
屎忽痕買咗部諗住炒吓
但夜晚見仲好似有大把貨
於是乎都係取消訂單唔好搏喇
這部新款其實又冇乜特別新功能
都係留返彈藥玩 iPhone X 啦