Ghöz | SnG
新iPhone昨日公報了
明天開始預訂 iPhone 8
但焦點應該是 iPhone X
十月尾才開始預訂
十一月頭出貨
不過 iPhone X 差不多要成皮嘢
記憶中以前手提電話確係咁貴
之後普及了就越出越平
而以前 Nokia 8850 都好似曾經炒到成皮嘢
當年嚟講手執一部8850係代表身份象徵
不過科技產品壽命好短暫
用得一兩年便已經係過時產品
就算佢未壞你都想換機
十年前第一代 iPhone 出現時
的確係好特出的高科技產品
但來到今天
同類型產品或山寨品大把選擇
唔知蘋果今次又可唔可以再突圍而出呢？
現階段無法估計前景
只可見步行步
準備吓自己可行嘅選擇
首先初步已知事實係大老闆會賣公司
公布消息係最快或預期今年第四季簽約
即是話現在未有任何變動
直到年底正式被收購後
估計都要下年第一季先知會點樣合併
究竟會裁員定係可以留低真係冇得諗
所以下年出埋雙糧花紅之後
可預視嘅情況應該係走得嘅走喇
祝大家好運啦
今次真係震過貓王
一返工就見到啲咁嘅消息
重未試過遇到咁嘅情況
前路一遍灰懞懞
去留及公司方向都唔知會變成點
雖然年頭已經聽到小道消息會有轉變
但估唔到會咁大鑊囉……
今年嘅衰運真係衰到貼地……
只可形容為低處未算低……
每逢星期一都係萬般不願意地起身返工
加上一個人孤獨地奮戰
日日都係忙到抽筋
真係想快啲放假去旅行⋯⋯