Ghöz | SnG
記得上次行街時無啦啦洗車公司打比我
話我架車洗完可以去攞
但我都冇去洗車所以以為佢打錯電話啫
不過今日去洗車時先發現
原來上次洗完車後佢哋比錯第二架車果張記錄卡我
咁就解釋到上次佢打錯電話嘅原因喇
應該同我換轉咗張卡果位車主都冇留意張卡攪錯咗
當NTI洗完搵車主攞車時就打咗比我喇
好彩今次去排隊等入閘時睇吓張卡
發覺有啲唔妥
點解有三次洗車會過咗期呢？
再望真啲
點解少咗咗多次洗車嘅？
再望真啲
點解個車牌唔係我架車嘅？
好在發現到
去櫃臺更正返就冇問題了
但下次都係要望清楚先好開車走喇
早兩日買咗頂級肉眼同埋威爾斯羊架
今晚煮咗個羊架嚟食喇
口感真係冇得彈
價錢唔算太貴
只係比紐西蘭羊架貴一點點
但肉質髹軟樕滑
真係食過返尋味
以後食羊架都要搵過這檔買了
屋企大廈果架笠壞咗幾日都未整好
日日出入都要行樓梯非常麻煩
都唔知幾時先整得番好⋯⋯
今日終於都睇返神奇女俠
竟然又幾好睇喎
之前冇去戲院欣賞真係有點嘥咗套戲
好彩家中影音設備都唔算臘鴨
雖然某啲場面比較誇張
但作為娛樂片已經算係交足功課
故事完整交待了來龍去脈
希望下一部正義聯盟唔會又淪為爛片啦
呢家香港地啲人真係好大壓力
明明條路咁寬迎頭相遇應該唔會有身體接觸
但係見條友來勢兇兇
我已經行埋一邊避開佢啦
點知我越係讓佢越係進擊
係都要逼埋嚟撞吓我先安樂
好明顯佢係有意衝埋嚟撞我
當時第一個反應係摸吓自己有冇比佢噠嘢
係有怒火上沖但只是回望吓佢然後可一笑置之
無謂浪費時間喺啲無聊人身上啦
今晚女皇約咗個保險朋友晚飯
介紹吓份危疾保險
其實買保險都只係買個保障
最好係唔需要動用啦
但唔需動用又買嚟做乜呢
到真係有事冇筆保險金又唔掂喎
不過每年要供萬幾蚊又好似好多咁
所以都十五十六唔知值唔值得投資