今晚屎忽痕
摷哂啲 memory card 出嚟做 audit
原來現役中的記憶卡總數有十六張
有幾張 size 太細所以都要退役喇
其中發現有張 mini SD card
見到都覺得好生面口
完全唔記得幾時有過張種卡
反而 SONY 果張 memory stick 就仲有點印象
但係都唔知有咩機可以用得著⋯⋯
插到果部 HD bloggie 都已經荒廢多年冇出擊了
等我得閒又 update 吓個二手 page
睇吓有冇人啱洗就送出去啦
Memory Card Audit
始終都係大牌子穩陣
上星期在淘寶買嘅ActionCam
今日終於收到喇
好少何順豐直接運到香港都要五日時間咁耐⋯⋯
呢隻cam其實當佢二手貨都冇錯
九百幾蚊港幣買隻有質素嘅 Action Camera
總好過幾舊水買隻冇水準嘅大陸山寨 Cam 嘅
佢最抵死係可以用返哂舊型號嘅裝備
電池同防水殻可以互換互用非常方便
而且佢聲稱裸機可以防濺水防雨防雪
正正最適合去滑雪時用喇
用過幾部 Action Cam
拍出嚟嘅質素最好同最好用嘅
始終都係 Sony 果隻
所以都係唔好貪平買小蟻山狗喇
之前喺灣仔果間唱片鋪賣$689
都已經心郁郁想買
但佢個價錢 set 得衰所以忍手冇買
但今晚行旺角唱片鋪見到平九蚊
諗咗一陣最後拎隻碟去櫃枱科水
比錢時都預咗冇折
但收銀阿姐話做唔到九折比我
收我六百五啦
卒之又慳多幾十蚊
買到心頭好又比預期抵咗真開心
忙碌星期一
一個循環
過去年幾舒服咗咁耐
係時候要還喇
星期天的日常
打唔成風又落唔出雨
濕濕熱熱悶悶焗焗
但無阻我哋週日節目
其實係冇節目
只是如常去西貢食嘢飲珈琲
之後買餸返歸
喺屋企煲咗套戲
食個晚餐聽吓歌咁又渡過一個週末假期
然後收拾心情聽日繼續開工