今日又做水喉佬
更換馬桶組件同埋咸水喉管
前兩日發現漏水
等咗兩日襯今日放假便緊急維修
攪咗半天整完都好彩攪得掂
希望今次係最後一次麻煩事啦
攪掂個廁所工程後便去睇場戲
個故事係幾有趣但成套戲嘅節奏又悶又慢
睇完戲去德福食個晚飯
然後返屋睇曹星如
睇見佢打到額頭都腫晒
真係睇見到痛
但最後都憑點數加點運氣
成功廿二連勝
睇見香港人有咁嘅成績都好興奮
水喉佬
圓光光．星期五
據聞中秋個月都冇今晚咁圓
睇落又好似真係今晚圓啲喎
今晚收工後去了銅鑼灣行吓
再食個晚餐先返歸
多災多難
早前發現廁所無緣無故地下有灘水
搵極都揾唔到原因出於何處
還擔心係浴缸底啲喉管有問題
今天又再發現同一位置又有灘水
今次終於搵到源頭來自馬桶水箱入水位
一滴一滴係咁漏
計埋呢單今年都真係問題多多
不過不幸中之大幸係今次都算係小問題
同埋之前果啲大問題都可以用錢解決
只是苛包赤赤痛啫
中秋節快樂
細個果屎中秋節夜晚會返阿嫲屋企做節食晚飯
食完後大人會打麻雀
細路就會落公園玩蠟燭燈籠
當然唔少得用個汽水蓋煲蠟啦
但唔知幾時開始屋企已經唔會中秋正日做節
亦都只會去酒樓坐埋一齊食完就散水
公園都唔准煲蠟
中秋節已經冇哂氣氛
節日已經沒有節日本身慶祝的意義了