今日一起身見到天公造美
心情都更加暢快
食完個溫泉酒店豐富早餐
便執齊行李 check out
然後便開始上山遊立山黑部
遊個立山都幾貴吓
但可以搭幾程覽車巴士都搭足幾粒鐘
兩個半小時車程轉了幾次車
便到達黑部湖果條堤霸
影吓相參觀吓
便開始走回頭路
上返室堂然後四圍行吓
其實就同我哋去滑雪見嘅雪山差不多
總算到此一遊遊玩過
行完玩完便吃個午餐
跟著便落山攞車去富山市
唔洗一個鐘就過到去
喺酒店 check in 然後泊架車入停車場
之後就步行過去富山環水公園行吓
原先想喺河邊間 Starbucks 飲杯咖啡坐一陣
但超多人排隊所以放棄了
改為去了一個藝術館嘅頂樓行吓
因為我哋都被這個藝術遊樂場吸引
上到去參觀吓行吓玩吓
然後去返地下間 coffee shop 坐吓
食咗個好味嘅 bagel 飲咗杯 latte
唔去 Starbucks 反而仲有驚喜
個鐵板 bagel 加雪糕加楓糖漿
味道恰到好處值得推介
hea 完便返酒店休閒一陣
到七點又再出街食晚餐
行咗幾條街最後食間吾平居酒屋
飲飽食醉便行返酒店完成今天旅程了
立山之旅．Day4．立山黑部及富山環水公園
