琴晚set好套gear之後上床瞓覺已經係點幾鐘
今天又七點便起床食早餐
跟住便著裝備出發去開季第一擊
不過著嘢都著咗成個鐘
真正出發已經係十點幾
斑尾個場好細
數埋都好似得十條 chair lift
我哋首先在 Tangram 呢邊熱吓身
由於太耐冇滑雪平時又冇運動
動作生硬好似唔識滑咁
成個上晝都不太理想
但依然上咗山頂影吓相打吓卡
跟著便去食嘢抖一抖
下晝動作開始流暢返少少捉返少許感覺
但當有感覺時體力亦都耗盡
兩年沒有嘅大脾抽筋又返嚟喇
所以今日玩到三點便鳴金收兵
留待明天繼續
今晚我哋 book 咗餐廳吃法國餐
要補三千幾 yen 不過幾好食
吃飽回房睇吓今日拍嘅片
然後去沖個涼浸溫泉
爽哂便上床休息準備明天繼續嬉戲
2018斑尾野澤第十二季滑雪之旅第二天
