Ghöz | SnG
琴晚set好套gear之後上床瞓覺已經係點幾鐘
今天又七點便起床食早餐
跟住便著裝備出發去開季第一擊
不過著嘢都著咗成個鐘
真正出發已經係十點幾
斑尾個場好細
數埋都好似得十條 chair lift
我哋首先在 Tangram 呢邊熱吓身
由於太耐冇滑雪平時又冇運動
動作生硬好似唔識滑咁
成個上晝都不太理想
但依然上咗山頂影吓相打吓卡
跟著便去食嘢抖一抖
下晝動作開始流暢返少少捉返少許感覺
但當有感覺時體力亦都耗盡
兩年沒有嘅大脾抽筋又返嚟喇
所以今日玩到三點便鳴金收兵
留待明天繼續
今晚我哋 book 咗餐廳吃法國餐
要補三千幾 yen 不過幾好食
吃飽回房睇吓今日拍嘅片
然後去沖個涼浸溫泉
爽哂便上床休息準備明天繼續嬉戲
終於出發了
今天行程主要係食同瞓
一早起身 call 架 GoGoVan 去機場
攪掂寄倉行李便食個早餐然後等上機
大約四個約鐘機程又食咗個飛機餐
落機後攞齊行李上旅遊巴又眠一眠
中途站食個晚餐後便繼續趕路
大約四個幾鐘車程終於到達目的地
搬好行李入房後又充忙地去沖涼浸溫泉
然後先 set 好塊板
準備明天開季第一滑
今天主要活動係執行李
新喼確係大咗
執嘢入去鬆動咗
的確冇揀錯
來到第十二季
興奮感覺冇從前般強烈
但仍然好想去滑雪
希望今季都順順利利
唔好受傷唔好有意外
天氣亦都風調雨順
要風得風要雪得雪
可以有一個開心愉快嘅雪季
終於都捱過今星期
但臨收工先有嘢做
攪到六點半先走得
收工後去了太古城食晚飯
再行一陣便返屋企了
明天要執包袱
準備今季滑雪之旅