今天一早隊友便到達會合了
跟著便去飲杯咖啡食少少嘢
然後便出發去第一站
我們搭Tube去Brick Ln食個巨型牛肉飽
價錢超抵大大件夾滿牛肉
但味道就……
食完便行一陣附近的market
便起程去第二站
原本是去諗住玩個sir滑梯
但點知已經賣哂飛冇得玩
不過又屎忽撞棍隔離就係韋斯咸主場
於是走去影吓相參觀吓個shop
後嚟有人提議參加個球場tour
不過又有人反提議睇韋斯咸不如去睇阿仙奴
於是就係咁即興地搭車去阿仙奴主場喇
話咁快轉咗兩次tube就去到酋長球場
作為兵工廠fans當然好興奮啦
拍片影相再去個shop逛逛
之後過對面間餐廳食個 late lunch
食飽後便再去參加個球場tour
其實就係自己入去個球場參觀
看看個包廂
參觀吓個看台
落球場邊扮雲爺爺
仲可以入球員更衣室參觀
fans當然雀躍
就連敵隊利記迷都玩得好開心
參觀完酋長球場之後
我哋就起程回酒店
取回之前寄存的行李
但有點小意外
原本計畫會再寄存小量物品到下星期回來的
不過酒店方面拒絕寄存過夜物品
於是乎我們計畫有點被打亂了
一行四人取回行李後便行去今晚入住的旅館
這時又發生一點阻滯
未料到之後數天也發生了點不愉快經歷
原先約好這家AirBNB房東晚上六時的
我們準時到達但沒有人應門
於是致電房東但他說要十五分鐘後到
我們在寒冷氣溫下等了廿分鐘
但仍然沒有接應
於是再致電房東
他仍是回應嚟緊要多等數分鐘
等了又等等到六點八都冇反應
又再致電之後他竟然叫我們上二樓找他的同事
頂！原來他們未清潔好房子所以要我們等了這麼久
上到去間屋仍然是清潔中狀態
垃圾、清潔紙、嗅味、沒想像中的美觀
完全不是我們預期的房子
但這情況我們也只能入住
AirBNB的風險完全表露無遺
而且這房子的租金也頗貴的
貴租金但換來一間失望的房子
還要受風吹雨打接近一小時才可入屋
我們心裡也是充滿粗言穢語的
無奈接受後
我們便迅速收拾心情出外搵嘢食喇
我哋先去河邊的船上酒吧飲一round
然後便去附近一間意大利餐廳吃晚餐
今晚是年卅晚
所以我們也任性地點了豐富的菜色
有人還飲到醉醺醺
興奮完飲飽食醉後便歸家沖涼瞓覺
但惡夢才開始
第一第二個沖涼還好地地有熱水
但第三個便沒有熱水了
以為係電熱式儲水爐要等一陣
但等了大半小時仍然沒有熱水
我第四個便放棄唔沖涼
只用凍水抹身洗腳便睡覺了
總括嚟講這個經歷應該係咁多次旅行中一次最失望的了
英倫之旅第四天
