今日星期天
瞓醒後去 Mega Box 飲個茶
跟著行吓宜家
買咗啲唔等駛但又可以佈置吓家居嘅擺設
買吓嘢自己都開心咗
之後去睇咗場戲
這個系列應該都有廿年歷史
但又從來冇睇過一集
今次唔知算係 reboot 定係前傳
硬係覺得安祖蓮娜祖莉比較入型入格啲
睇完戲便去靈實探病
然後去了新都城間 UCC 食晚餐
差不多五舊水兩個人据個扒
但無論食物質素定係服務態度
都係唔係好得
究竟係我哋要求高咗
定係呢家香港嘅標準已經下降如此呢？
週日記
週末飯局
好耐冇見嘅朋友今晚都嚟聚會
真係好耐冇一齊食飯了
睇波飲酒打邊爐
看似簡單但要約齊就真係冇乜幾何
更何況要攪個外遊旅行
講過很多次但好似都冇乜邊次成行
又睇吓今次點啦
#次次食完飲完拍吓個欏柚就走又點計
凍凍星期五
又到星期五
小週末要開始準備輕鬆吓喇
倒楣記錄
今日要記錄的是：
可能係最後一次去上EMC嘅trainning
今日唔喺公司就大大鑊
美國果邊有隻DD瓜柴
backup暫停服務一晚
合併後多咗個老闆嘅老闆嘅老闆
今朝攪咗個 Town Hall Meeting
仲講明要用 zoom 面對面見到個衰樣
架構複雜咗又未知會變成點
屋企大廈部 lift 仲未整好
可能仲要繼續行樓梯多幾日