隻NAS嘅潛力有好大發展空間
今晚試咗直出 Apple TV 播旅行原片
初時都未摸到可以點射出個電視
但後嚟摸吓摸吓就Okay了
相比起舊果隻真係夯好多
播片亦都可接受的暢順
遲吓煲耐啲再加Ram行VM試吓
得嘅話就真係一機旁身世界通行了
發掘潛能底線
埋頭苦幹
去完旅行後的兩個月
才正式開始執相
頭兩三日都比較輕鬆
兩個人三部機
都可以好快校啱啲時間軸
但往後果啲就會比較困難喇
不過現今個個都用iPhone影相拍片
而個iPhone本身會自動校啱個時差
所以問題都冇以前咁煩
不過⋯⋯
其實最大問題係好難收返齊啲相⋯⋯
DLNA難題
早排 upgrade 咗隻 NAS
諗住都攪掂啦
但近日發現原來隻 Sonica DAC 有古怪
除咗 mp3 之外其他格式播唔到
明明之前冇問題可以播到 wma 或者 m4a
玩咗好耐以為係隻 NAS 有問題
但其他設備例如電視或手機又冇問題播到喎
於是又開返舊果隻 NAS 對返啲設定
點知又播到舊果隻 NAS 嘅 m4a
但始終新果隻又播唔到
究竟哪裡出狀況呢？
執相前先執個嘜頭
之前因爲要upgrade隻NAS
所以拖咗成個月之後
家吓先又再繼續執去英國旅行嘅照片
相比起去滑雪啲相
今次英倫之旅又係一個艱鉅任務
之前去滑雪成個旅程夾埋都只係一百四十幾張相
但去英國之旅頭一日已經二百幾幅
真係滑雪同真旅行分別好大
不過執相都係一種樂趣
每次睇返旅行嘅照片
每段回憶又再湧上心頭
睇返啲相好似又再去多一次咁開心
而且呢兩日成功學識用PS’退地‘
日後要執相整logo或水印都方便好多了