三日唔埋又壞兩次咁
舊樓最可怕嘅事之一
莫過於壞笠要行樓梯
雖則話以前都係咁行
但年紀大咗體重增加
行多幾步都有點吃力
希望今次好快整返啦
又壞笠
大掃除星期日
琴晚估唔到玩到好盡興
食完晚飯再去唱K
十點幾開始唱到四點幾先走
最後仲要係依依不捨咁離開
返到屋企排隊沖涼
攪掂瞓落床時已經開始天光了
不過大家都好好瞓
瞓到十一點幾先起身
然後又再去返 Mega Box 飲茶
飲完茶差不多三點先散水
返到屋企便要開始清理作業
吸塵拖地執拾換床單被袋
攪咗三粒鐘之後間屋乾淨哂
打掃完畢又肚餓
於是又開車去新都城食個越南菜
食飽再去百佳入貨
之後便歸家晚安了
無限挑戰星期六
今日終於都去咗睇復仇者無限挑戰
一如預料劇情都係打打打
雖然如此但都係會睇嘅
睇完後去了和朋友晚餐
飯後再去了唱K
今晚唔知玩到幾點呢？
鏡頭測試
今晚又嚟屎忽痕
測試一吓支超廣角鏡頭
買咗返嚟都已經五年
起初覺得都唔錯
但用用吓發覺唔夠 sharpness
可能熟習了部 D800
高像素之下自己又可以用盡部D800嘅效能
加上近嚟都係影玩具多啲
超廣角真係用唔到
漸漸地少用了這支鏡頭
不過之前睇 YouTube 嘅膠攝現場
學識咗點樣測試一支鏡頭嘅最好質素嘅光圈值
於是又玩吓呢支鏡
經測試後發覺支鏡又差唔哂嘅
但一定要有足夠光源之下先能夠發揮十足狀態
所以都係怪自己年少無知輸經驗
一味淨係聽老豆話要夠wide又要光圈夠大
自己又唔識奇實自己係想影什麼
攪到白白浪費了一支鏡頭唔懂去好好使用
好在呢家終於摸索到自己嘅方向
知道每支鏡頭嘅特性
好好發揮每支鏡唔會獨坐防潮櫃