Month: June 2018

是日端午節假期
不過要開工⋯⋯
琴晚睇巴西被瑞士逼和
跟住瞓三粒幾鐘便起身開工
世杯期間應該都會維持咁嘅狀態
今天 hea 住做
捱吓捱吓便收工
今晚三場
頭場瑞典對南韓
第二場比利時對巴拿馬
尾場英格蘭對突尼西亞
聽朝應該又係喪屍mode返工了

卒之琴晚都係冇起身睇波
年紀大咗真係熱情冇咁高漲
今朝瞓到十一點幾先醒
跟住起身便去探病
然後便去九展睇場戲
近排睇好多戲
呢套比較失色
唔係唔好睇
但有比較下便給比下去了
睇完戲便去阿妹屋企晚飯
慶祝父親節加端午節
一家人開開心心吃晚飯又一晚

今天一早起身去尖沙咀
攪層樓嘅律師事宜
幾經波折終於都踏進最後階段
如無意外再過三個月
我哋便可以完全擁有自己嘅物業喇
真係諗起都興奮

2018世界杯第三日
今晚四場波
但只睇了阿根廷對冰島
美斯今屆表演都係冇乜起色
仲要衰到十二碼都唔入
真係有點失望

世界杯正式開始了
每晚三場玩兩個禮拜
好彩嘅係開波時間都幾好
頭場八點第二場十一點尾場兩點
睇完四點瞓到三粒鐘又起身返工
不過問題係唔係場場波都有得睇
VIU TV 只播少部份
其他場次想睇就要自己諗方法了