雖然係凌晨兩點
但恐怕今晚唔睇今屆就冇機會睇了
所以今晚策略係放棄頭場
食飽晚飯就上床瞓覺
較好鬧鐘兩點起身睇波
好耐冇試過半夜起身睇波了
一嚟年紀問題捱唔到夜
二嚟近年對足球已經興趣大減
不過既然英格蘭今年有機會
當然要支持吓啦
場波兩隊都快上快落
英格蘭領先之下
補時先被追平要打加時
最後要互射十二碼分高下
卒之驚濤駭浪下晉級八強
不枉我捱眼瞓睇哂全場
殺入八強
回歸假期工作日
琴晚又爆一場大冷門
俄羅斯射十二碼贏西班牙晉級
下線已經冇哂熱門球隊
英格蘭生生性性應該可以入決賽喇呱
七一腸胃炎
唔知係咪食得太多海鮮
今天有輕微腸胃炎症狀
痾咗一次之後成日呆呆滯滯
希望抖吓冇事啦