今天懶洋洋
瞓到點幾先起身
然後落街食個tea
跟著返屋企做吓家務
晚上回老家打邊爐
飲飽食醉又一天
回家打邊爐
風暴過後第五天
打完風後又過了五日
街道仍未完全恢復
很多倒塌樹木橫放在公園
但打工仔還是要默默上班工作
有人話返唔返工佢冇權管
有人話互相包容最適合香港
有人只管出席高鐵應酬
有人話搵佢出氣冇問題
有人龜縮冇出過聲
有人話冇得準時收工要投訴
屎忽鬼
今日隊長話我比同事投訴經常交接唔到
詳細情形又冇解釋我知
只是話美國西岸果兩條友不滿意我
要等我開工接手先可以收工
所以攪到佢哋遲收工
咁我係咪要比人燒春袋？
查實唔知幾時開始
佢哋變咗返西岸時間朝八晚五
即係香港時間十一至八
亦即係佢哋收八點接住我返八點
如果要拍手交更的話
一係冇嘢交接就最順利
如果唔係的話
一係就佢遲收工
一係就我早開工
咁先可以有重疊時間交待手尾
其實都明白佢哋遲收工會勞氣
但佢哋唔蝕底難道就要我蝕底？
講到尾又係十個煲得兩個蓋嘅問題
條 team 唔夠人又唔請人
編更果個又求鳩其
唔通我日日收工但下更未見人我又走去投訴咩？！
真係多鬼餘！
不如意事十常八九
之前去唔成旅行嘅後續還未解決
根本上保險諸多刁難就預咗
但連香港快運呢間航空公司都不知所謂
都唔好話要佢退錢喇
只係要張証明不會退票都話做唔到
都唔知佢嘅難處係乜
睇嚟果幾千蚊都唔會 claim 到了