近日忙完一樣又一樣
好多突發事件應接不暇
之前取消旅行要claim保險仲未攪得掂
保儉果邊又話航行公司資料不足
航空公司就話已經提供所有資料
總之就兩邊將個波互相短傳打拉布
冒求令你冇得賠
今天已經個半月
都仲未得到一個滿意答覆
真係火都嚟撚埋?
善後工作
颶風之後
今天起床時已經轉為三號波
即係要起身返工了
落到樓下見個公園滿地樹枝樹葉
仲有好多樹木東歪西倒
受災後滿目瘡痍睇見都傷心
不過仍是要趕返工
幸運地很順利返到公司
但很多同事因爲交通問題返唔到或者遲到
上網看看其實都幾嚴重
很多道路因大樹倒塌而封閉
東鐵綫都有幾個站受影響只維持有限度行駛
最嚴重係女皇辦公室果楝大廈
很大面積的玻璃窗碎掉到滿地
好彩她的office力保不失冇受損害
但她隔離左右的都很嚴重受損
都唔知又要整幾耐先可以修理好了
今日收工後去收咗支舊鏡
貪佢價錢適中又夠短少輕巧
雖然話比最新款 G 鏡差了一點點
不過價錢又平一半重量又輕多少少
所以權衡輕重後都係揀咗佢
雖則話都買得起支新鏡
不過都係孤寒唔捨得囉
試用後大致滿意
比起用緊果支
質素有得揮之餘
最滿意嘅地方就係重量問題
1kg vs 250g
四份一重量真係輕鬆好多！
十號超級颱風山竹
今朝九點便醒咗
起身見已經掛咗十號波
但外面好似又唔係咁勁咋喎
但當刷牙洗面後便開始感覺到外面轟轟聲
今次真係打到嚟喇
風聲加雨聲再加抽氣扇同埋度門嘅交響樂
全屋差不多隻隻窗都有滲水漏水
抹完一隻第二隻又濕哂
疲於奔命做救災工作
慶幸嘅係只是漏水沒有嚴重災難
睇電視同網上其他片
好多地方都災情嚴重
睇見都覺得好恐怖
今次個風真係感覺到颱風嘅可怕
以前細個唔識驚以為多日假期
到今日自己東奔西跑便知道唔簡單
風力最勁應該係十點至一點嘅時候
客廳隻窗同書房隻窗可能食到應
啲水彭彭聲咁噴
過咗之後災情放緩
窗邊亦都冇漏水漏得咁誇張
救援工作都可以放下改為清潔工作了
不過今次發覺屋企防漏要加強維護
廚房隻抽氣扇差啲被吹毀
等好天之後要換過隻新嘅先得喇
混亂至極
今朝瞓瞓吓比人 call 醒咗
話我今日要 on duty
明明琴日收工都冇人通知我
但突然未瞓醒就有人話輪到我開工
究竟發生乜事？
係咪國之將亡必有妖孽
唔夠人又唔請人
Cover 唔到 7 x 24 又夾硬嚟
今次真係要睇吓邊個命硬要鬥長命了
毛啦啦冇咗日假期
聽日又話山竹殺到
即係今個週末都唔洗諗節目了