Ghöz | SnG
隻新 NAS 買咗接近半年
近呢個星期日日忙於研究隻NAS嘅玩法
經過多次失敗重複試驗
今天終於完成大遷徙將啲 VM 搬哂入去
順手可以熄埋隻 Raspberry Pi
完成目標一機攪掂
不過一體化雖然方便控制
但將所有雞蛋放哂入一個籃
又真係有點危險
希望唔好有事啦
最多密啲做備份啦
唯一仍然未解決嘅問題係VPN
如果攪掂埋就真係一騎擋千喇
大致上家居電腦網絡設備都升級得八八九九
住咗接近十年
現有設備都只是開始換新一代
都算好合理
等到條寬頻線約滿後
再轉用光纖升級埋去1000M
咁第二代鬼屋網絡設備就正式完成
希望下個十年都可以安安定定啦
星期日沒有特別節目
瞓醒起身便去飲茶
然後去德福攞眼鏡
之後便返屋企 hea 吓又做吓家務
純粹休息了一天
對上一次配眼鏡驗眼已經係2013年嘅事
當年專登配幅新眼鏡去澳洲旅行
近日FB係咁彈啲當年遊澳洲嘅相出嚟
睇返都開心呀！
今日基本上係旅行預備日
瞓醒去食飽後便開始埋頭苦幹地訂酒店
Book機票又睇吓行程
玩到六點出去食個家庭晚飯
形式上係中秋晚飯
只係食個飯咁
但就叫得太多嘢食
次次都係食淨哂然後就迫人帶走??♂️
食飽返歸繼續book車book酒店
最後全部行程要預訂嘅都準備好
等待兩個月後出發
今個星期過得很快
每日工作忙碌
同時又忙於調整家居電腦設備
相對地又吸收了點新技術
奈何自己起步太遲
好多嘢都要亂打亂撞碰返嚟
不過當起好自己想要嘅嘢時
又會好有滿足感
果種感覺都幾美好