Ghöz | SnG
因為用緊隻 G-Dock 行緊 software RAID-0
所以 upgrade 上 macOS 10.14 有點麻煩
佢唔比我就咁係個 RAID 上面直接升級個 OS
於是便要很複雜地
將所有 data 抄去另一隻 hard disk
然後 boot 入去果隻 hard disk
再喺果隻 hard disk 進行 upgrade 上 Mojave
喺果隻 hard disk 上面 upgrade 完成後
再重新抄返入去 G-Dock
咁就完成全個升級計劃喇
最麻煩係要等⋯⋯
抄嚟抄去真係好嘥時間⋯⋯
今晚裝咗個 Mojave 測試啲 app
結果係少部份要 upgrade 個 app
但 Upgrade 後全部都 pass 可以用到
即係新嘅 macOS 10.14 Mojave 可以去馬 upgrade 喇
不過 upgrade 就一定有風險
首先都係要 backup 好哂再 plan 吓先再慢慢攪
今日繼續享受假期
起身後去了大榮華飲茶
然後去打個壁波
兩條友基本上零運動量
打咗一陣已經體力不繼
hea 住打捱咗一粒鐘
打完真係散Q哂
之後去買晚餐嘅食材
最後喺屋企悠閒地過了一晚
支 360 Cam 都幾麻煩
真係又愛又恨
拍出嚟啲片可玩性好強
但要剪輯就非常花功夫
唔知係部電腦唔夠勁定係佢個 app 寫得衰
有時真係用到憫
希望熟練咗之後會好啲啦
秋涼最好嘅活動當然係去郊外玩啦
今日瞓醒便執齊裝備出發去北潭涌
煮個麵煲個啡嘆一嘆
然後玩吓支360攝影機
買咗幾個月都未用過
原本諗住買去暑假東北之旅用
可惜最後有突發事件所以冇去
今天先真正玩吓支 cam
其實拍出嚟嘅質素就一般
後期製作都比較麻煩
不過呢⋯⋯
一支 cam 兩面鏡一個 shot 就拍到 360 度角
所以基本上唔洗理角度
拍完之後先慢慢執就得
好難界定好用定唔好用
不過我就覺得幾好
因為乜都拍低先
之後執唔執用唔用都之後先諗
尤其是去滑雪果啲片
電子防震加前後左右都一次過拍到
真係一個好設計
山竹過後仍然有好多樹木倒塌未清理
沿途好多燒烤場都封閉未開得番
有啲連根拔起見到都覺得恐怖
望見咁嘅情景真係有點難過⋯⋯