雖然話某啲 app 係唔 support
但始終已經隔了兩代
冇理由停滯不前嘅
於是便開始搵最新版嘅 VMWare 同埋 Final Cut Pro
嘗試可唔可以夾得到
希望?兩日可以有測試結果啦
始終都係心思思
升級裝備
原本想 upgrade 埋個 macOS 上去 10.14 Mojave
但測試時發現都係老問題
Final Cut Pro 同埋 VMWare 升咗上去就用唔到
所以都係決定唔升級了
用返原本個系統就算
不用返工的重陽節
終於成功爭取紅日假期可以真正放假
今日起身後便去了西貢食個早餐
再去 Moni Stand 嘆杯珈琲
跟著便返歸 hea 咗一天
放假感覺真好
二手新裝備
今天終於收到件等咗好耐想買好耐嘅 G-Dock
全新嘅話要連埋兩隻2.5吋硬碟賣幾千蚊
講真我係想用SSD而不是普通硬碟
而且價錢真係唔吸引
所以一直都冇意欲增設裝備
但我們偉大的淘寶真係有千百樣可能
竟然有淨機殼賣幾舊水
於是乎敗咗隻返嚟玩吓
選擇這隻 G-Dock 嘅原因係一來淘寶價錢經濟
二嚟係用 Thunderbolt
因為我用緊果隻 iMac 只支援 Thunderbolt 2
但最新嘅型號已經轉哂行usb type-C嘅Thunderbolt3
雖然最新款嘅速度好勁
但我能力財力都有限
所以都只係揀咗隻射程範圍內
而又唔太失禮嘅產品玩吓
收貨後即刻插入之前電腦展買落
準備好今天合體用嘅 SSD
安裝好後測試一吓速度果然喜出望外
寫入速度超過 400 MB/s
讀取速度更誇張超過 600 MB/s
煲佢兩日如無意外便可正式投入服務了
今天另一單觸目新聞係港鐵又壞
仲要係四條線一齊出事
攪到遲咗九個字先返到公司
今次真係大大鑊
但我估到最後又係當乜事都冇又過骨
真係吹佢唔漲囉