今次算係好彩遇到個有良心嘅裝修師傅
雖然都攪咗幾日
不過都總算幫我哋執返好幅牆
而且又好彩我有 keep 到十年前用淨果啲油漆
油番落去又真係冇鴛鴦色
都算圓滿結束了
終於攪返掂
下雨的秋天
唔知仲要攪幾耐先得呢？
希望整埋聽日就完工啦
多災多難
真係鑊鑊新鮮鑊鑊甘
琴晚唔知點解會睇唔到
但瞓瞓吓發覺有嘢銀住隻腳
不過瞓緊又冇睇清楚
以為係女皇又跌咗啲耳環之類嘅嘢喺張床
點知瞓醒一望原來係粒石仔
於是即刻醒哂望望個天花板
又原好冇石屎剝落
再仔細檢查四週
發現牆身有個窿
好明顯係比隔離裝修鑽穿咗
見到咁嘅情況當堂著哂燈
即刻打比管理處搵人上嚟跟進
影哂相等佢同隔離了解
晏晝管理處打嚟話約埋隔離裝修師傅睇吓點攪
幸運地隔離裝修師傅又肯認數
話會幫我哋執返好佢
不過咁樣可能又要攪幾日
真係麻煩
隔離大裝修
今日返到屋企
見到個花茶壺跌咗落地
第一個反應係屋企又有老鼠推冧咗啲嘢
但睇真啲又冇理由淨係推冧果少少
抽絲剝繭後推測係隔離屋裝修
鑽牆震到我哋個層架啲嘢跌咗落地
隔離屋裝修都開始咗兩星期
日日攪到條走廊沙塵滾滾
都唔知佢仲要攪幾耐
攪到污煙瘴氣真係好討厭