今天起身後便出街食個 plan cake 早餐
但行到去都只係七點九未開門
唯有等一陣等到佢開門啦
準時八點開門
食物質素都唔錯
不枉我哋等佢開門
食飽返酒店標個檸
然後執齊包袱又趕路
首先揸車一個鐘左右去日向岬
去到時下著雨
我哋擔住遮行咗一陣
可能落雨影響心情
到此一遊影幾幅相便開車走了
之後車程一小時左右便到達高千穗峽
泊好車便去食個lunch
然後便開始遊玩
這裡依然是下著雨
但峽谷帶有濃厚迷霧
夾雜著紅綠黃的楓葉
伴隨著一條一條的大大小小瀑布
襯托著溪流的倒影
風光實在迷人
只可惜落住大雨不能攞單反去拍攝
好彩iPhone拍的照片還可以
遊完高千穗峽便到酒店 check in
晚上出外晚飯但到處都尤如死城
搵咗一陣都只係搵到間拉麵仍然營業
食咗兩晚豐富的
今晚都要慳啲喇
食飽後便回酒店休息
準備明早起身看日出
九州．Day3．高千穗峽
