呢幾日都幾忙吓
因為有隻 VCenter 呱柴咗幾日
相關部門攪咗幾日都未整好
所以日日都比人問幾時攪得掂
其實呢家嘅狀況都幾大問題
明知人手不足但又唔請人
啲嘢積埋積埋又冇人做
應該遲早會爆鑊金嘅
但六合彩又未輪到我中
唯有得個且個
做得一日得一日啦
人手短缺問題
趕工
九州第八日嘅相今晚都攪掂喇
仲差最後一日嘅相就完成喇
加油呀！
今日比較忙
都將多嘢做
人就得一個
手就得一對
盡力而為啦
終於執到第七日
今晚終於完成第七日
仲有三日份量
便可以完成九州之旅喇
距離下個旅程尚餘廿幾日
應該可以出發前攪掂呱
長者家居維修義工
今日起身後去飲個茶
跟著喺宜家行吓買齊嘢
然後便去長者屋企做義工
換咗盞燈
校正返隻廚櫃門
再修理好啲櫃桶槽
攪咗個幾鐘就攪掂哂
個櫃又可以繼續用了
換咗盞燈又光猛咗
見到都舒服哂