朝早返工十八九度
晏晝食lunch上到廿幾度
唔著褸又差少少
著褸又有啲熱
真係難攪⋯⋯
乍暖還寒
休息兩晚
已經連續兩星期每晚對住隻 iMac 喺度剪片
開始有點腦閉塞
於是呢兩晚都罷工冇剪片
只是對住部電腦調教吓個 Final Cut
Free 返啲位等佢可以行得順啲
現時只是剪到第三日
仲有十幾日嘅片要做
前路漫漫都係有排攪
放長嚟做慢慢享受啦
突然很忙
最近為自己安排了很多工作
除了每晚要剪片之外
還要為兩塊 snowboard 打蠟
要為嚟緊嘅旅行準備拍攝工具
要維修廚房水龍頭同埋換抽氣扇
還有還有好幾樣要慢慢再安排
而之前一次過喺淘寶準備嘅物資
都開始陸續運到喇
首先主打係打蠟套裝
雖然係淘寶貨但價錢都唔平
一千蚊人仔圍返港紙都要一千二百幾
雖然價錢有點貴
但都平過逐樣喺香港買嘅
同埋拎去比人攪每塊板每次都五六百蚊
兩塊板自己每年打一次蠟都回到本了
另外其他拍攝裝備都開始運送
第二批應該都過一兩日會到
剩低果批就仲等緊最後一件貨未到集運倉
分散幾次運嚟嘅原因係唔想一鑊攬炒
因為有幾樣係鋰電池
過關係會有問題
分開幾批運送萬一有事都唔會冚包散丫嘛！
Final Cut Pro
近期晚晚對住個 Final Cut Pro
發覺開始越嚟越慢
於是又搵吓有冇改善方法
然後又跟著做吓
但係⋯⋯整整吓hang機?
Reboot 完冇哂之前剪好嘅片?
果吓都幾崩潰
好彩我都夠鎮定
因為平時都有做開 backup
同埋發覺係因為佢毛啦啦自己開個新 profile
Close 咗佢開返原本個 profile 就好似冇事喇
但突然比佢嚇一嚇都咪話唔恐怖?
於是今晚暫停剪片
處理吓個 Final Cut Pro 入面冇用果啲 media
Free 返啲位等佢唔好咁大隻
以免日後又塞爆個 hard disk