2019Spain+France – Photo Album
今天一早便要起程去機場
飛去西班牙馬德里
但在民宿有點意外
開哂窗非常大風之下
吹到隻客廳門突然砰埋
隻門的玻璃碎滿一地
不過我哋又要趕往機場
所以都未知點跟進
十點鬆啲我們便開車前往馬賽機場
差不多十一點前到達
還車然後行李寄倉再過埋安檢
入到候機室有人便爭取時間 shopping
再爭取時間輕食件三文治
之後上機坐個多小時飛到馬德里
抵達後攞齊行李便打的到今晚酒店
今晚酒店比較舒適
我們安頓好後便又再出發去遊覽
第一站係去生力啤廣場掃街
這裡類似一個街市但係賣地道熟食
我們行了一圈食咗少少嘢飲咗杯 cocktail
氣氛非常好
食完後便行去皇宮及教堂參觀
但今天又曬又熱
行一陣已經熱都㷫恰恰
行到七點幾準備行去廣場時
途經一間賣 made in Spain 嘅鞋鋪
有人左試右試後有收穫了
鳩嗚完之後
便去一間有差不多三百年歷史的餐廳
這間餐廳無論裝修或菜色
都係保存得很好
我們今晚食了焗乳豬和墨魚汁飯
仲有蒜頭湯加蛋
各樣都很出色
吃飽後再到超市買點飲品
然後便打的返酒店
沖個涼聊一會
便各自休息了