Month: August 2019

自己都覺得好有問題
香港已經十分混亂
但生活好似如常進行
返工放工行街食飯
不過每當行過一個地方
眼看之前這裡曾經激烈衝突
催淚彈楜椒彈布袋彈
心諗現在又人來人往
這裡真係曾經有發生過嗎？

今時今日單看一張照片
已經唔可以知道發生緊乜嘢事⋯⋯
以為拍緊戲？
但又真有其事發生喺我哋嘅香港⋯⋯

大雨令我哋原本計劃有改變
喺屋企睇吓片
安安靜靜享受吓深閨嘅舒適
香港還餘下多少時間？
好好利用緊餘的自由吧

警察應唔應該執法？
應該

警察有冇過份使用武力？
有

警察有冇做錯？
有

示威者掟磚掟汽油彈用丫叉射鋼珠啱唔啱？
唔啱

示威者係咪暴徒？
係

支唔支持示威者？
不認同使用暴力；但支持反對移交逃犯條例

暴徒爭取嘅嘢我認同與否？
希望可以用和平方式爭取

和平表達訴求政府冇反應點睇？
只有兩個選擇：1.無奈接受 2.另謀高就

抗爭本身想爭取什麼？
反對移交逃犯條例

現在暴徒爭取什麼？
希望仍是初衷，但看來有點迷網

抗爭到現時為止，預測到將來會點？
1.如果繼續暴亂政府又冇回應，之後會經濟轉差大家攬炒
2.政府武力鎮壓，以後自由度逐漸收緊
3.政府態度軟化接受批評，以民為本公平施政
4.暴徒抗爭成功，香港獨立，然後又衍生另一個問題