去旅行時經常聽到有人話背光塊面黑口黑面
原因係因為佢用 iPhone 所以冇辦法解決
喺呢啲情況如果用一部真正相機又點呢？
於是乎我模擬咗個背光環境
背光拍攝冇閃光燈一定係希口希面啦
其實用 D800 build in 嘅閃燈已經可以解決問題
如果冇內置閃燈
可以試吓用 HDR 拍攝
效果都可以勉強接受
當然如果離機引閃玩法更可以變化多端
所以結論係有支閃光燈旁身係好重要嘅
前路
今日的香港
表面上仍然好似仲頂得住
但背後傷痕累累又有幾多人想得到
左手打右手最後贏嘅一定唔會係左右手
只會益咗啲會搏懵嘅人乘虛而入
睇住啲後生仔比人日日係咁打
睇住啲警察日日係咁比人問候
兩方面都係企喺自己立場冇做錯
但點解唔可以退後一步
諗吓解決方法？
再咁樣攪落去一定係攬炒
何必呢⋯⋯
返咗兩日工
今日精神好返啲
有啲時間執吓個位
unpack 咗三個箱
其實都唔知點解會有咁多嘢喺公司⋯⋯
返工
放咗接近三個星期大假
加上公司搬咗之後都未返過去
再加上琴晚嘅動盪不安
今日完全係不在狀態
返到去求其 setup 好個檔
坐到夠鐘就閃