區選完
平靜了兩日
一切又好似冇事發生過咁
係暴風雨前夕？
泛民勝利？
雖然我身處選區係建制派當選
但全港咁多區嚟講
泛民有八成以上當選
真係一個重大勝利
不過如果睇返投票率同比例
只係六：四比
其實又唔係相差太遠
所以千其唔好放鬆
要繼續 keep 住屯火
要清清楚楚表達我哋嘅意見
唔好比人為所欲為！
區議會選舉
瞓醒十點九便落街去投票
排咗成粒鐘先排到入去投票
不過盡自己責任同本份都是應該的
雖然未知結果
但起碼自己有票在手便好應該出分力
唔好再有無厘頭建設出現喺自己住緊嘅社區
又做水喉佬
禮拜六嘅節目
就係家居維修
同埋滑雪裝備升級
首先係測試隻電單車頭盔耳機
初步測試效果滿意
音質非常好
不過都要實戰測試先知結果係好定唔好
唯一擔心係雪地溫度低會對電池續航有影響
希望唔會太快冇電啦
整完隻頭盔之後
便要打大佬換水喉
隻廚房水龍頭用咗十年
開始有滴漏問題
於是乎買過隻水龍頭換咗佢
幾經辛苦先換好
雖然都係新不如舊
但是都頂住先啦
攪掂啲維修項目後
便去馬頭圍食晚餐
間餐廳之前都去過兩次
質素有保證
今晚都唔例外
個意粉同甜品都有驚喜
真心可以推介比朋友