當年年少無知買落嘅裝備
擺咗喺世窗接近十年或以上
最近大徹退搬哂返屋企
經過整理後決定將冇用嘅嘢賣走
但驚喜嘅係古董級嘅裝備都會咁搶手
基本上一放上網就已經有人話要
可能係我 set 個價錢太低
但與其放喺度冇用
而且又可以正常使用冇過期冇甩底
不如放出去比有心人
總好過掉咗佢去填海或楔灶罅都唔益人丫
世窗執笠後的故事
原來都幾搶手
今晚抽起條筋
Post 咗個板袋上網賣
直到臨瞓前已經兩個板袋都有人認頭喇
短短四小時便沽清
都確係有啲意外
想當年買這兩個板袋都幾一波三折
以前香港要買滑雪用品都幾麻煩
又冇乜選擇
唔同現在淘寶又得
買二手又有得揀
這兩個板袋是喺 Island Wake 購入的
是我們第一個板袋
同時都係第一次帶板去滑雪的第一個板袋
其實都有啲唔捨得賣
但屋企容不下⋯⋯
唯有忍痛割愛啦
盡興
瞓咗幾粒鐘又起身食個靚早餐
食飽抖一陣又去玩健身
然後又去按摩池同乾蒸
之後退房出去行吓伯大尼教堂
再行埋薄扶林村
跟著去香港仔飲個茶
食飽便散水
之後我哋去咗太古城行街
飲杯咖啡食個 cake
原本想買件衫過年
可惜冇貨要訂
不過都訂購了星期三到貨
之前睇啱但冇買
好彩都未斷得哂可以喺第二間鋪運過嚟
如果唔係就真係蘇州過後冇艇搭喇
宿一宿外出版
毛啦啦又屎忽痕
喺香港 book 間酒店住一晚
五條友住兩間房
玩吓啲酒店設施
喺酒吧飲吓嘢
然後開車去上灣食皇帝蟹
再去銅鑼灣食個糖水
跟住返酒店房繼續飲吓嘢吹吓水
無所事事的一天