疫情突然急轉直下
由一月到今日
原來已經過了兩個多月
情況依然不是可防可控
依然看不到完結的時候
全世界都開始封閉
人人都要留在家中
地球係咪就嚟玩完？
世界末日先兆？
裝備保養
之前睇完 YouTube 有人教用蜜蠟保養
於是今日襯有時間就試吓攪吓
睇片以為好容易
但自己整就一鑊泡
唔知係蠟太多定係油太少
上完好似厚得滯又好似笠得滯
啲份量要再調教吓先得喇
如何回到當時
唔知係咪潛伏喺心入面嘅露營細胞突然甦醒
近排好想去返以前去過露營嘅地方睇吓
90年離開第二旅之後
都有零聲一兩次
同啲中學同學去過浪茄同埋長沙露過幾晚
之後便到近年（廿幾年後）去扶輪同降下凹
諗番以前細個一班人無憂無慮
一隊人通山闖蕩的確非常開心
但人大了想拾回童年回憶係幾困難
雖然比得起錢買當年買唔起嘅裝備
不過當年一起嘅隊友已經不知去向
加上年紀唔細體力同衝勁都不復當年勇
現在只能用金錢堆砌少少自娛嘅情景開心吓
今日下午去了觀塘逛了三間露營用品店
買了隻蚊香同一把摺刀
諗咗好耐又爭扎咗好耐
最後都係買咗
雖然係可有可無嘅嘢
但平時都會用到
所以都很開心
特別係戶外活動時又用得
用起上嚟應該爽快度 +3
夜晚同啲朋友晚飯聚會
疫情之下出街都算係高危高消費活動
但係又真係好耐冇見
加上日日屈喺屋企都真係好想外出走走
所以今晚都幾齊人
飲飲食食吹吓水
希望我哋唔會變咗新金多寶小廚群組啦
添置郊外活動裝備
喺淘寶平平哋買嚟玩吓過吓癮都幾盞鬼
撇除名牌效應
真心覺得好抵用
就咁喺屋企試吓開嚟玩都夠我開心了一晚