終於都可以戶外鬆吓喇
不過又要低調啲
雖然如此
我哋依然玩得好開心
佛誕勞動大露營
巧遇小惡魔?
今晚出咗銅鑼灣行街晚飯
食完飯行希慎時毛啦啦有個細路女
喺我哋前面奄奄樣樣
初時都冇為意
但原來係大哥成個女
咁啱佢哋又係去銅鑼灣剪頭髮
返屋企時一齊搭地鐵
對上一次見佢個細女時
她都只係剛剛出世幾日
斬吓眼今年已經六歲大了
時光飛逝
每次見到老友都很感觸
希望大家都身體健康開心快樂啦
疫情下之日常
六點半起身梳洗換衫
七點出發車女皇返工
然後返屋企八點開工
做吓抖吓再飲杯咖啡
等到十二點半食晏晝
食飽洗完碗繼續開工
磨到五點收工又開車
接女皇收工返到屋企
睇吓新聞然後煮晚餐
食飽又洗碗然後沖涼
跟著上床碌吓部手機
攪吓呢樣又睇吓果樣
到十二點左右便瞓覺
封閉式生活
每日生活都係屈埋喺屋企
對我嚟講唔太差
有得食有得瞓
生活未算有太大影響
份工又未去到最壞情況
層樓又供完
又有少量積蓄
只要唔太大變化
慳啲洗又儲多少少棺材本
短期內都冇太大壓力嘅