近日醉心研究財務散水方案
兌換外匯戶口
同離岸戶口都準備就緒正式啟用
但千算萬算都係百密一疏
幾好準備都預計唔到英鎊大跌
原本以為好醒唱得好抵
點知計落又跌咗兩皮嘢
雖然話估唔到冇得計到咁盡
但諗起都會有啲赤赤痛
唔係你財唔入你袋
穿拾
英鎊終於跌穿十算
真係估佢唔到
Sunday
好耐冇試過連續三晚出街食晚飯
好耐冇試過入戲院睇戲
好耐冇試過玩到凌晨三點先返歸
放寬週末
有返晚市可以出街食晚飯
感覺真爽
如果可以唱埋 K 就更好
英鎊唔知會唔會跌穿十算
不過自從用咗 IB 兌外幣之後
條數真係慳唔少
比起用銀行兌外幣
用 IB 唱的話
每唱一千英鎊就慳返一百蚊港幣
唱一萬英鎊就慳一千蚊港幣
唱十萬英鎊就慳返成皮嘢
即係話今次個大 Project 就已經可以慳返唔少錢
感覺非常良好