都係果啲嘢
飲吓茶補給吓
做吓家務又 hea 吓
咁就一日
炎炎週日
家庭聚會
老人家牛脾氣
小朋友面皮薄
卒之一個黑面一個扭計
旁觀當然係食花生🥜啦🤣
熱屎辣辣
日日都卅度
個人熱到頭暈暈唔想郁
長揸短炒
自從 2020 之後
經歷讓我改變想法
以前會諗得好長遠
以為可以直到永遠
但意外無法避免
諗得幾完美都敵不過意外
當遇上意外之後無可避免要改變計劃
所有既定程序要重新考慮部署
然後之前做嘅嘢諗嘅嘢變成白費
所以現在思想直接得多
會諗要做幾耐可以做幾耐
係長遠目標定係短期方案
屬於可控範圍還是被動工作
設定時間然後重新考慮整個計劃可唔可行
不過將來嘅事有誰可以擔保
現在見步行步盡量做好自己啦