大檸樂工程正式啓動

今天正式開始大檸樂工程
一早起身便搬好張梳化
執拾好窗邊雜物
搭棚師傅十點到場開工
沙塵滾滾睇見都煩
見佢用兩口拉爆上一對狗臂
跟住就喺上面排幾支竹
扎好就攪掂個地台
然後上面又鑽口拉爆
用條鐵線拉實支竹
再扎埋個圍欄
看似好簡單但見佢汗水係咁流
都知係辛苦錢搵命搏
所以見佢整花個地台都冇出聲
免得佢心情唔好整花多幾處咁就仲麻煩
十點開工整到四點就攪掂哂
中間只係放飯一小時
用五粒鐘便搭好個棚
而損毀輕微都算好彩了
嚟緊聽日鑽外牆窿
星期三或四攪埋條煤氣喉
星期五拆棚便完成
希望順順利利啦