屎忽鬼

今日隊長話我比同事投訴經常交接唔到
詳細情形又冇解釋我知
只是話美國西岸果兩條友不滿意我
要等我開工接手先可以收工
所以攪到佢哋遲收工
咁我係咪要比人燒春袋？
查實唔知幾時開始
佢哋變咗返西岸時間朝八晚五
即係香港時間十一至八
亦即係佢哋收八點接住我返八點
如果要拍手交更的話
一係冇嘢交接就最順利
如果唔係的話
一係就佢遲收工
一係就我早開工
咁先可以有重疊時間交待手尾
其實都明白佢哋遲收工會勞氣
但佢哋唔蝕底難道就要我蝕底？
講到尾又係十個煲得兩個蓋嘅問題
條 team 唔夠人又唔請人
編更果個又求鳩其
唔通我日日收工但下更未見人我又走去投訴咩？！
真係多鬼餘！