Category: Travel

今日行程緊密
先去六甲山途中食個 Komeda 早餐
食飽上山頂行個圈
然後去黑潮市場食個吞拿魚丼
跟著去酒廠 shop 吓 ping
買咗支大吟釀夜晚品嘗
之後再去湯淺醬油食個醬油雪糕
估唔到又幾夾幾好食
食完繼續行程去到天神崎睇日落
好好彩準時到達同埋好好天
影咗好多靚相之後
最後到達今晚溫泉酒店
可惜今次這間溫泉酒店印象唔係咁好
不過好又一次唔好就冇下次
都係住一晚啦

最後祝論盡豬豬生日快樂健健康康肥肥黑黑

今天同臀友集合
由心齋橋出發
首先去箕面食早餐
然後去睇條滝
跟著去 Outlet 血拼
最後去神戶落腳一晚
食個神戶鐵板燒
再飲兩杯先返酒店休息

今日租車去遊琵琶湖
原本以為個幾鐘可以去到
點知塞車要兩個幾鐘先到達第一站浮御堂
行吓參觀吓之後便去食 lunch
同樣係近江牛但係都係第一次好味道啲
不過可能係煮法唔同
點都一定係炭烤最好食
食飽就上琵琶湖山谷行吓
上到去原來都幾凍吓
同埋我哋都太晏先上到去
好多嘢都唔夠時間玩
四圍行吓影吓相便搭返纜車落山
開車返大阪時又塞車
原定六點返到但最終七點半先返到大阪還車
跟著再去返 UNIQLO 攞返啲戰利品
然後去買手信
再返酒店放低行裝
最後去食牡蠣鍋晚餐
今天行程雖然有點阻滯
但係都玩得好開心

八點幾起身九點出門口開始去玩
先去中之島公園食個早餐行一陣
可惜落雨食咗個早餐就敗走
搭返車去難波行商店街
下午去食蟹吉
價錢唔平但我哋點幾先去食
成間鋪都冇人可以包場
叫咗個八道菜套餐
拆蟹都拆到手軟食唔切
整體算好味道可以返灼
食飽就搭車去通天閣行吓
條街好熱鬧好多嘢食好多射的
行完通天閣新世界後再步行去天王寺
途中又無意中發現 Beer Garden
可惜我哋之後有安排咗節目
如果唔係一定會整返個腸仔併盤加杯生啤
之後繼續趕路去咗天王寺駅行街
然後搭車去長居公園睇個 Teamlab Art
特別就談唔上不過睇吓都幾得意
有啲光影藝術展覽咁樣
睇完唔好彩遇到演唱會散場
好多人迫電車但好彩又唔算排好耐就上到車
最後返到酒店附近求其食啲嘢
便返酒店休息了
今天行咗超過兩萬步好攰