今日返工聽日放假後日又返工
都唔會有咩心機工作啦
所以都係plan個旅遊行程
頭兩日問題不大
但第三第四日上去立山黑部有點麻煩
好似話揸唔到車上山
要喺山腳泊好車然後搭覽車上山
所以又要上網爬吓文
睇吓可以點玩先
有點棘手
立山黑部計劃始動
今日終於開始計劃今年嘅重點旅遊行程
經過幾粒鐘嘅會議
初步訂咗日子同大概行程
之後再執吓啲細節同埋搵每晚住宿
再攞假期book機票便大至完成
希望真係咁順利啦
台北復活行 – DAY5
要走的終需走
開心過後又要回到現實了
晨咁早六點幾便起身
執齊包袱開始返歸
首先搭捷運去台北車站
轉乘新開冇耐的桃園機場捷運到機場
由落樓到機場T1只需九十分鐘左右
全程都唔太多上落樓梯都算方便
由於回程也是被upgrade了
去到機場 check in 寄行李
入禁區後便去個lounge食早餐
坐到夠鐘便行去閘口登機
回程隻機都幾多人
但座位比去程時更舒適
每一個座位都是獨立間隔
整張座椅又可以完全躺下變睡床真係好舒服
個多小時機程食咗個lunch
恰咗一陣便返到香港
落機拎返行李便安排回家路線
原本諗住打的
但原來 call Uber 同八折的差不多價錢
所以便試試坐 Uber 返屋企
第一次用Uber
感覺很好很方便
用個 app 輸入目的地
很快便安排到車給我
個 app 仲可以睇住架車去到邊同幾耐先到
上到車又無需什麼額外收費明碼實價
寫住果個價就係果個價
唔會又話什麼假日特別加錢又另加停車場及隧道費
到達後又唔需要比現金
完全係網上信用卡或 PayPal 過數
真係拍吓個欏柚就走得
返到屋企都只係一點半
執好啲嘢洗吓衫咁
又要開始收拾心情
準備明天上班搏殺了
台北復活行 – DAY4
一晚安好的睡眠
起身即刻又浸個溫泉
真係無法形容的爽
浸個浴然後先去食早餐
吃飽再回房間執包袱
執完仲有時間又再浸一浸
真係浸得唔好嘥
我們十二點check out
搭番酒店架接駁車出去新店捷運站
然後又開始今天的行程
首先我哋坐捷運去到古亭站
去到一間賣牛軋糖的店舖買手信
大手掃貨後便回住處放低行李
然後再出發去敦化行街 shopping
七年前到台北時都有到此逛逛
七年後再到此一遊感覺多了店舖種類
我們行吓買吓中途又休息一陣吃了點甜食
有人滿載而歸添置新錶新鞋
買嘅開心睇嘅高興
行完買完我們去到這裡聲稱亞洲唯一
有酒精含量的咖啡
可以在這間星巴克買醉
我們點了四種不同種類的含酒咖啡試試
味道各有各好
而且這間星巴克也很大
完全唔似香港那些擠迫
在星巴克買醉完畢後
我們便行去馬辣吃麻辣火鍋
這間火鍋店是房東推介的
六百蚊台幣吃到飽
食物質素及環境都很好
有高級牛肉豚肉羊肉都是任吃兩小時
還有高級雪糕系列都真係幾抵食
價錢大約是港幣$150左右
香港一定冇咁嘅質素
吃飽後再去誠品走一轉便打的回去了
原本行程仲諗住去西門町掃街
但任食火鍋後基本上仲點能夠再吃……
所以台北之旅來到這刻算是完結了
執好包袱明天一早機便要歸家了