Ghöz | SnG
今日睇新聞見到陳志雲單案件終審結束
很久以前第一次看這單案時
對佢印象確是不好的
只是單看傳媒的報導
便以為他人品唔好
但其實真係大錯特錯
人云亦云自古以來都是不可信的
點解會對佢改觀呢
是由於每朝早都會收聽商台晴朗
自從李慧玲被解僱由佢接手後
初時都唔係咁鍾意佢
但聽耐咗
發覺佢的評論都算係中立持平
久而久之習慣了他
雖然仲未覺得佢做得好好
但起碼現在唔討厭佢
講了一堆廢話
其實只係想講
不了解一件事情
首先唔好落閘抗拒
反而要深入了解
認識深了先會知道本身件事嘅真正原因
千其唔好淨係睇傳媒的斬件報導
信錯人到最後損失的都只會係自己
夜晚睇這場辯論
有得睇冇得㨂
唯有食花生當睇 show 啦
琴日擺了一個大老烏
以為約了去試新爐
但原來攪錯時間應該係下星期日先啱
不過咁啱又有BBQ活動可以join到喎
所以突然變成去金山燒野食喇
那裡很多馬騮好麻煩
但原來再向上不遠有另一個燒烤場
果度人少啲同馬騮都少啲
去到起好爐便開餐
今次食物好豐富
最特別係塊斧頭牛扒
真係條羊架都被比下去
燒燒吃吃玩玩便四粒鐘
飲飽食醉又一天
做人要克苦奮鬥
唔好埋怨社會有幾不公平
唔好抱怨沒有機會
唔好淨係識話邊個邊個做錯乜乜乜
機會是自己努力爭取的
只要做好自己本分多啲包容
努力地面對困難同挫折
總有一天會步出谷底的
琴晚終於都發現 upload limit 限制嘅原因
可能係 php 同 mysql 嘅 version meet 唔到 WordPress 嘅要求
嘗試 upgrade 但知識有限可能要花多少時間先解決到
今日去了睇盧根
套戲比較沉悶
係想表達年老無力但又想幫助下一代
係有點意思同都有啲打鬥場面幾精采
可惜同前幾集比較就有點失色