Tag: 家居重組

今日再收到部份配件
即刻安裝埋然後測試
之前遇到嘅少問題都解決咗喇
暫時感覺良好

拖咗成個幾月
原定計劃牛一前可以完成
但中間又因爲貪玩同埋懶
所以一拖再拖硬係差一點點交唔到貨
卒之都係要特登請一日假
去迫自己完成埋啲手尾

今天一起身便貼好中間果條
完成所有換皮工程
然後便開始轉移啲玩具入去個地台暗格
又搬又擺出出入入終於將所有玩具收藏好哂
跟住夠鐘放飯食個下午茶餐
食飽再返去繼續開工
整好埋個電插掣就大功告成
開始將大本營搬遷去新位置
又搬搬抬抬上上落落
Set 好哂個架步但硬係好似唔多就手
可能真係大屋搬細屋嘅關係
希望坐熟咗後感覺會好啲啦

今天繼續整個細房重組工程
感覺自己越嚟越熟手了
話咁快便貼好一幅
整個工程完成度已經超過九成
餘下地台中央的直條未貼好
同埋駁電到書枱
下星期我估應該可以完工吧

夜晚去了長沙灣行街加晚飯
試了一間居酒屋
價錢比上次銅鑼灣那一間抵好多
但其實都唔算平
食物質素都幾好
如果多啲人試多幾樣嘢會更好

吃飽行一陣再食個 cake
見落大雨便歸家去了