Tag: 家居重組

又係維修日
不過今天係廁所維修
之前發現細房地台下
近廁所幅牆有滲漏跡象
估計係因為浴缸邊防漏做得唔好
沖涼時啲水沿著浴缸邊滲透入牆身
所以補救方法係唧玻璃膠封好浴缸邊
希望可以防止滲漏繼續發生啦

同時順手維修浴簾下墜情況
原來之前用粒咁短嘅螺絲⋯⋯
唔怪之得咁墜落啦⋯⋯

今天繼續家居重組
開住冷氣開工一樣係做到一身汗
不過今日嘅完成率去到80%以上
手工技術亦都不段提升
看見自己辛苦製作嘅成品
自己都覺得好滿足

今天放假繼續細房重組工程
朝早九點幾醒咗起床
執拾一吓搵番支玻璃膠槍
準備下一波維修工程
不過就唔係今日
今天準備好的作業係安裝書枱架
看似好簡單但都玩咗六粒鐘
以為鑽幾個窿上幾口螺絲應該好快
但實際上用咗好多時間度位
而事後清潔佔全部工時三份一
不過辛勞一日見到個成果都幾滿意
希望之後用落都會就手啦

工具一早已經準備好哂
只係擔心自己冇技術冇速度冇體力啫
聽日盡力而為做得幾多得幾多啦