今日收齊哂所有物料喇
下午立刻開工安裝廚房果組層架
試吓難度有幾高
雖然只係鑽幾個窿上兩條柱
睇落好似好簡單
但難度在於要精準
因為塊層板距離訂好咗
少少誤差都會有麻煩
好彩今次都成功安裝冇乜偏差
不過都攪咗三粒鐘
最嘥時間係搬開啲雜物
同埋清潔用咗大半工序時間
今次經驗要好好參考
下一步整細房套書枱層架就可以快手啲喇
廚房僭建
細房重組計劃始動
今日一早去攞返個微波爐
諗住信興應該都大公司穩陣啦
點知搬到返屋企一開機又係一樣
真係激死
下午喺屋企開始執拾細房
搬咗張床褥同床執
解體後空出地台
準備細房重置計劃啓動
材料準備妥當
細房重組計劃所需要嘅材料陸陸續續到手
今個星期收齊哂後
下星期便可以開工喇
不過有人好似想我平日請假去整
唔洗 weekend 阻住享受假期咁喎⋯⋯
To Do List
又捱到星期五
今個星期都平平無奇
碌吓碌吓又一星期
但又好似好多嘢做
不過又未做得
好似細房重組
修理微波爐
今年嘅旅行計劃
仲有自己嘅升職獎勵
都係排住隊等開工
希望嚟緊可以逐一安排解決啦