Tag: 家居重組

間細房重新激活計劃設計都大至完成
原本諗住用玻璃枱面設計
但考慮到安全性及結構問題
現在都係打算全部用宜家產品
現成方便容易安拆
依家諗緊幾時郁手
希望盡快可以安排開工啦

前日去完宜家後
個設計中
部份零件都可以在那裡購買
現階段要做嘅係借個電鑽同直梳
棄置張床褥執清個地台
跟著就可以開工喇

細房個重組方案仍然緩慢地設計中
看似好簡單
但細節仲未諗掂用咩料
又驚設計得唔好用錯料
所以要慢慢諗過點整先可以開得工

荒廢了都幾年
間房淨係用嚟晾衫同埋擺放雜物
係今時今日的香港真係非常浪費
人哋幾千蚊租個劏房都冇咁大呀陰功

首先第一步係重新激活間細房
將間房改變用途成為工作間
這個工程話大唔大話細唔細
但大興土木都一定會沙塵滾滾
預計兩個月完成唔知有冇可能呢？